- Подробности
- Автор: admin
2015 жылдың 1 желтоқсанында - Тұңғыш президент күніне орай Астана қаласында Қазақстан Қарулы күштерінің әскери-тарихи музейі ашылған еді. Мәдениет ошағы, тұрғындар, оның ішінде өскелең ұрпақ отандық әскердің тарихымен танысып, патриоттық тәрбиені шыңдайтын рухани орталығы болмақ.
Әскери-тарихи музейдің қызметкерлері өткен 2016- жылдың шілде-тамыз айларында «Берел» қорық мұражайымен байланыстар орнатып, Берел қорғандарында жүргізіліп жатқан қазба жұмыстарына қатысып, мұражайдың негізгі жұмыс бағыттарындағы ерекшеліктерімен танысып,тажірибе алмасып кетті.
- Подробности
- Автор: admin
14 желтоқсан күні Тәуелсіздіктің 25 жылдығына орай «Берел» мемлекеттік тарихи - мәдени қорық - мұражайымен Е.П.Рыков атындағы орта мектеп бірлесіп, мерекелік іс –шара ұйымдастырды. Іс-шараның мақсаты: Оқушылырға тәуелсіздіктің тамашаларынан мағлұмат берумен қатар, ұлтжанды болуға тәрбиелеу көзделді. Тәуелсіздік алғалы жеткен жетістіктеріміз, «Мәдени мұра» аясында «Берел» мұражайының дамуы жайлы қысқа метражды фильмдер көрсетіліп, оқушылар арасында сұрақ-жауап бойынша әртүрлі ойындар ұйымдастырылды. Оқушыларға алдын ала берілген «Тәуелсіздік тамашалары» атты, шығарма жарысының қорытындысы айтылып, марапаттау рәсімі болды. Сонымен қоса Желтоқсан оқиғасына қатысқан Тайсарина Күлән Нұрғазықызын қонақ етіп, «Берел» қорық-мұражайы атынан құттықтау сөзбен мадақтама, сыйлық тапсырылды.
- Подробности
- Автор: admin
2015 жылы Берел қорғандарында болып қайтқан Шығыс Қазақстан облысының әкімі Д.К. Ахметов Берелдегі қазба жұмыстары мен одан табылған жәдігерлерге қызығушылық танытып, облысымыздағы археологияны дамытуға қомақты қаржы бөлетіндігі туралы айтқан еді. Кейіннен Шығыс Қазақстан облысында археологияны дамытудың үш жылдық жоспары жасалынған болатын.
Биылғы жылғы мамыр айының 23-нен бастап № 2 қорғанға қазба жұмыстары басталып кетті. Қазба жұмыстарының нәтижесі көрсеткендей қорғандағы қабірден 4,5 метр тереңдікте алтын әшекейлерімен бірге жеті жылқы, тақтайдан тұрғызылған қима бөлме мен астау табыт және әйел адамның сүйегі табылды. Мәйіттің қасына екі қыш құмыра мен жылқының омыртқасы (жая) қойылған.
- Подробности
- Автор: admin
2015 жылдың 18-21 тамызы аралығында «Берел» тарихи-мәдени қорық-мұражайы, Халықаралық Түркі академиясы және А. Х. Марғұлан атындағы Археология институтының Астана қаласындағы филиалының ұйымдастыруымен Қазақстан, Түркия, Әзірбайжан, Қырғызстан сынды Халықаралық Түркі академиясының құрылтайшылары саналатын төрт елдің ғалымдары мен археологтары, ақпарат саласының майталмандары Төр Алтайдың Қарақаба және Берел қорымдарында болып «Алтай –алтын бесік» атты Халықаралық далалық семинар өткізді. Белгілі археолог, тарих ғылымдарының докторы Зейнолла Самашев бастаған мамандардың соңғы жылдары қазба жұмыстарында тапқан олжалары тақырып тұздығына айналды. Халықаралық Түркі академиясының президенті Дархан Қыдырәлі, Түркі Үкіметінің жанындағы Түрік ынтымақтастық және даму агенттігінің Қазақстандағы өкілі Мехмет Бодур, түркиялық «Haberturk», «Dirilis Postasi» сынды бас газеттердің, әлемнің 120 еліне тарайтын NTV телеарнасының журналистері, Қырғызстандық археолог Қуатбек Табалдиев, Әзірбайжан тарихшысы Тахир Шахбозов қатысқан симпозиум-семинар екі күнге созылды.
- Подробности
- Автор: admin
Үстіміздегі жылдың 10-20 шілде аралығында «Алтын Алтай - аймақ дамуының басты байлығы» жобасы аясында Берел мемлекеттік тарихи-мәдени қорық-мұражайында «Көшпенділер» атты халықаралық лэнд-арт симпозиум өтті.
Лэнд-арт атты өнердің ерекшелігі сол, бұл өнер табиғатпен, қоршаған ортамен біте қайнасқан. Бұл жанрды жанына серік еткен суретшілер тек қана табиғи дүниелерді пайдаланады. Шара барысында бес елден (Ресей, Белоруссия, Словакия, Словения, Қырғызстан және Қазақстаннан) арнайы келген суретшілер Берел қорығы аумағында бір апта бойы жасаған туындыларын жұртшылық назарына ұсынды. Олар осы уақыт аралығында 14 нысанды тұрғызылды.
- Подробности
- Автор: admin
Қазақ хандығы -қазақ халқының алғашқы мемлекеттілігінің бір көрінісі. Біздің Қазақ хандығы құрылғанға дейінгі түркі әлемі, тіпті, сонау сақтардан бастау алған тарихымыз бар. Сондықтан да осы тек қана қазақ хандығы емес оған дейін де болған тарихымызды насихаттау мақсатында мамыр айының 12-жұлдызында «Берел» тарихи-мәдени қорық- мұражайы» және Жас турист бекеті бірлесе отырып «Берел қорғандарының тарихы мен маңызы» атты тақырыпта дөңгелек үстел өткізді. Дөңгелек үстелдің басты мақсаты: Берел қорғандарының тарихын жас буынға, жұртшылыққа кеңінен таныстыру жолдарын табу және тарих ғылымдарының докторы, белгілі археолог Зайнолла Самашевтың қатысуымен күз айларына жоспарланған ғылыми-практикалық конференцияға дайындық жұмыстарын жүргізу.
- Подробности
- Автор: admin
2016 жылғы 10 қаңтар күні «Рыков атындағы орта мектебі»коммуналдық мемлекеттік мекемесінің жоғары санатты тарих пәнінің мұғалімі Нуриева Даметкен Садуоқасқызы
6 сынып оқушыларымен «Ерте темір дәуіріндегі Берел қорымдары» тақырыбында Онлайн сабақ өткізді.
Сабақта мұғалім аймақтық компоненттерді,АКТ-ның мүмкіндіктерін пайдаланып,оқушылардың шығармашылығын,белсенділігін арттыруға, олардың ой-пікірін қалыптастыруға,тіл мәдениетін дамытуға,елін,туған жерін сүйетін патриоттар тәрбиелеуге ерекше көңіл бөлді.
- Подробности
- Автор: admin
Ел үшін тигізер пайдасы мол, мәдениет саласында тиімді жұмыстар атқару мақсатында ШҚО, Катонқарағай ауданы, Жамбыл ауылындағы «Берел» мемлекеттік тарихи-мәдени қорық-мұражайы» РМҚК директоры Е.К.Жұмағұлов пен ШҚО, Семей қаласындағы Шәкәрім атындағы мемлекеттік университетінің гуманитарлы–құқықтық факультетінің деканы А.М.Мамырбеков арасында төменде көрсетілген іс-шаралар бойынша бірлесе жұмыс атқару үшін келісім жасасты.
Онлайн кім
Қазір 172 қонақ және Бірде бір тіркелген қолданушы жоқ сайтта отыр