Оқиғалар күнтізбесі

Подробности

Автор: admin

Создано: 04 Тамыз 2025

Семинар «BR22082478 – Қазақ Алтайы ерте темір дәуірі мәдениеттеріндегі белгілер жүйесі» ғылыми бағдарламасы аясында алынған нәтижелерге негізделіп өткізіледі.

Семинар Қазақ Алтайының көне тұрғындарының мәдениетіндегі таңбалар мен нышандарды зерттеудің өзекті мәселелеріне, олардың семантикалық және функциялық рөліне, сондай-ақ ерте көшпелілер қоғамындағы визуалды-коммуникативтік жүйедегі орнына арналған.

Іс-шара пәнаралық ғылыми пікірталас алаңы ретінде ұйымдастырылады.

Талқыланатын тақырыптар:

• Дефинициялар мен терминологиялық аппарат (таңба, нышан, тамға);
• Аң стилі – таңбалық-коммуникативтік тіл жүйесі ретінде;
• Интерпретацияның негізгі тәсілдері: құрылымдық-семиотикалық, мәнмәтіндік, салыстырмалы-типологиялық.

Мақсаты:
Ерте көшпелілердің визуалды-коммуникативтік тәжірибелерін заманауи археологиялық деректер мен семиотикалық әдістер аясында қайта қарастыру.

Міндеттері:

• Таңбаларды интерпретациялауға қатысты ұғымдар мен әдістерді жүйелеу;
• Аң стилінің әлеуметтік және сакралды құрылымның көрінісі ретіндегі маңызын ашып көрсету;
• Көшпелі мәдениеттердің визуалды жүйесін әрі қарай зерттеудің әдіснамалық негіздерін талқылау.

Қатысушылар:
Семинарға археологтар, этнологтар, тарихшылар, өнертанушылар, бейінді мамандықтар бойынша оқитын студенттер, сондай-ақ ғылыми және музейлік мекемелердің өкілдері шақырылады.

Тіркелу бойынша байланыс:
Жанар Елемесова
Этот адрес электронной почты защищен от спам-ботов. У вас должен быть включен JavaScript для просмотра.
+7 775 391 6646

Барлық мүдделі мамандарды семинарға қатысуға шақырамыз!

Уақыты: 2025 жылғы 4 тамыз, Астана уақытымен 14:00

Zoom қосылу:
https://us06web.zoom.us/j/88159985442?pwd=dhTAzs1ge4DbHKsJltOnaV2gwhXZp0.1

Конференция идентификаторы: 881 5998 5442
Қатысу коды: 8vEsxF

Подробности

Автор: admin

Создано: 22 Сәуір 2025

«Берел» мемлекеттік тарихи-мәдени музей-қорығының ғылыми қызметкерлері 2025 жылдың 22-27 сәуірі аралығында ҚР ҒжЖБМ ҒК «AP23486716 – Алтай қазақтарының белгі жүйесі мен таңбалары» гранттық жобасы аясында, Алтайдан Түркияға қоныс аударған қазақтар арасында сақталған таңба-белгілерді анықтау мақсатында, Түркияның Ыстанбұл қаласына іссапарға барды.

Іссапар барысында Ыстанбұлдың қазақтар шоғырланған Зейтінбұрны ауданындағы Қазақ түркілері қорына (Kazak türkleri vakfı) барып жергілікті ақсақалдардан және Түркі әлемі зерттеулері қорының бас директоры, қазақтың керей руының тумасы Саадет Пынар Йылдырым (Türk Dünyası Araştırmaları Vakfı Genel Müdürü Saadet Pınar Yıldırım) ханымнан сұхбат алынды.

Музей қызметкерлері сондай-ақ, Қызмет қоры (Hizmet Vakfı), Түркі зерттеулері институты (İstanbul Üniversitesi Türkiyat Araştırmaları Enstitüsü), Ридван Челикел атындағы археология музейі (İstanbul Üniversitesi Rıdvan Çelikel Arkeoloji Müzesi) мекемелеріне, Ыстанбұлдың қазақтар жерленген Ескі Козлу (Eski Kozlu Mezarlığı), Силиврикапы (Silivrikapı Mezarlığı), Гүнешлі (Güneşli Mezarlığı) зираттарына барып деректер жинастырып шықты. Іссапар нәтижесін ағымдағы жылы ҚР ҒЖБМ ҒЖБССҚК ұсынатын ғылыми басылымда жариялау жоспарланып отыр.