1983–1990 жылдары Алматы қаласындағы Құрманғазы атындағы мемлекеттік консерваторияда білім алды. Оқу орнын тәмамдағаннан кейін 1990 жылы Павлодар қаласына келіп, алған мамандығы бойынша еңбек жолын бастады.

2004–2006 жылдары Қарағанды қаласындағы Қазтұтынуодағы Қарағанды экономикалық университетін тәмамдап, заңгер мамандығын иеленді.

Еңбек жолында түрлі мекемелер мен ұйымдарда қызмет атқарды. Мемлекеттік қызметтегі еңбек жолын Павлодар облысының мәдениет басқармасы басшысының орынбасары лауазымынан бастады. 2001 жылы Қазақстан Республикасының Мәдениет министрлігіне жұмысқа шақырылды.

2004–2006 жылдары Қазақстан Республикасы Парламенті Мәжілісінде депутаттың көмекшісі және бас консультант қызметтерін атқарды.

2013–2014 жылдары Шығыс Қазақстан облысының мәдениет басқармасының басшысы болды.

2014–2015 жылдары Қазақстан Республикасы Премьер-Министрінің орынбасарының кеңесшісі лауазымында еңбек етті.

2015 жылдан бастап Қазақстан Республикасының Мәдениет және спорт министрлігінде департамент директорының орынбасары қызметін атқарды.

2016 жылдан бастап Оңтүстік Қазақстан облысы әкімінің кеңесшісі, кейін Оңтүстік Қазақстан облысының мәдениет басқармасының басшысы қызметтерін атқарды.

2017 жылдан бастап «Әзірет Сұлтан» тарихи-мәдени музей-қорығы республикалық мемлекеттік мекемесінде қызмет етті.

2021 жылы «Берел» тарихи-мәдени музей-қорығының директоры болып тағайындалды.

2021 жылғы қыркүйек айынан бастап Шығыс Қазақстан облысының мәдениет басқармасының басшысы лауазымын атқарды.

2024 жылғы желтоқсан айынан 2025 жылғы қараша айына дейін «Шығыс Қазақстан облыстық сәулет-этнографиялық және табиғи-ландшафтық музей-қорығы» коммуналдық мемлекеттік қазыналық кәсіпорнының директоры қызметін атқарды.