“Берел” мемлекеттік тарихи-мәдени музей-қорығында ҚР Мәдениет және ақпрат министірлігінің Мәдениет комитетінің төрағасы Күміс Қарсақбайқызы Сейітова болды. 

Күміс Қарсақбайқызы “Берел” музей-қорығының жұмысымен танысып, музей-қорық бойынша экскурсия жүргізілді. “Обаларды жүйелі түрде зерттеу Зайнолла Самашевтың есімімен тікелей байланысты екенін”,- экскурсиялық қызмет көрсету басшысы Азат Мамырбекұлы айтты. 

Мәдениет комитетінің басшысы өз сөзінде еліміздің мәдениеті мен тарихын, ұлттық құндылықтарымызды сақтап, дамытуға елеулі еңбек сіңіріп жүрген  музей саласы мамандарына жан-жақты мемлекеттік қолдау көрсету жүйелі түрде жалғаса беретінін айтты.

Кездесу соңында Күміс Қарсақбайқызы «Берел» музей-қорығының «Тілек кітабына» қолтаңбасын қалдырып, музей ұжымына табыс тілеп, ізгі ниетін білдірді.